4-декабрь — «Манасым — мурасым»
4-декабрь — «Манасым — мурасым» күнү Иш-чаралар жана ачык класстык саат Токмок медициналык колледжинде 4-декабрь күнүнө карата «Манасым — мурасым» аталышындагы иш-чаралар жана ачык класстык саат уюштурулду. Иш-чаранын максаты — улуу мурас, баатырдык эпос «Манастын» тарбиялык баалуулуктарын жаштарга жеткирүү, патриоттук рухту көтөрүү жана маданий мурастарыбызды даңазалоо болду. Иш-чаранын жүрүшүндө студенттерге: * Манастын төрөлүшү, * анын жакындары жана чоролору, * көрүнүктүү манасчылар, тууралуу маалыматтар берилип, эпостун тарыхый жана тарбиялык мааниси терең ачып берилди. Мындан тышкары кошумча иш-аракеттер уюштурулду: * «Манас» боюнча викторина өткөрүлүп, студенттердин билими бекемделди; * Таланттуу кыздарыбыз эпостон үзүндү окуп, көркөм сөз өнөрүн көрсөтүштү; * «Патриоттук ыр»аткарылып, * «Бий» тартуусунан кийин иш-чара өзгөчө майрамдык маанайда уланды.
