"Заманбап жашоодогу көп тилдүүлүк" конференциясы
21.02.25 Токмок медициналык колледжи А.Токтоналиев атындагы Бишкек финансы-экономикалык колледжинин базасында уюштурулган «Заманбап жашоодогу көп тилдүүлүк. Адистерди даярдоодо кыргыз, орус, англис тилдеринин ролу жана мааниси» деген теманын алкагында «Көп тилдүү шарттарда медициналык адистерди даярдоодо орус тилинин ролу жана мааниси» деген баяндамасы менен катышты. Баяндамада медицина тармагында профессионалдык баарлашуу үчүн зарыл болгон орус тилинин негизги лингвистикалык компетенциялары, орус тилинин медициналык терминологияда колдонулушу жана аны медициналык колледжде окуунун өзгөчөлүктөрү каралган. Практикалык бөлүгүндѳ сурамжылоо жана мониторинг камтылган .Конференциянын жыйынтыгында корутундулар жана сунуштар айтылды. ТокМКнын студенти Саамайбекова Каныкей мугалими Таштанбекова Ч.Кнын жетекчилиги астында татыктуу деп аныкталды, конференциянын жыйынтыгында катышуучуларыбыз 1-даражадагы диплом менен сыйланышты.
